مدرسہ عربیہ منبع العلوم، فریزر ٹاؤن، بنگلور ایک ممتاز دینی و تعلیمی ادارہ ہے جو قرآنِ کریم، علومِ نبوت اور اسلامی اقدار کی اشاعت و ترویج کے عظیم مقصد کے ساتھ اپنی خدمات انجام دے رہا ہے۔ مدرسہ کی بنیاد 1426ھ / 2002ء میں حضرت مولانا زبیر احمد رشادی دامت برکاتہم نے رکھی۔

قیامِ مدرسہ کا بنیادی مقصد ایسی باکردار اور باعمل نسل تیار کرنا ہے جو قرآن و سنت کی صحیح تعلیمات سے آراستہ ہو، اسلامی اخلاق و کردار کی حامل ہو اور دینِ اسلام کی خدمت کو اپنی زندگی کا مقصد سمجھے۔

مدرسہ میں ناظرہ قرآن کریم، حفظِ قرآن، تجوید، ابتدائی دینی تعلیم اور اسلامی تربیت کا بہترین انتظام ہے۔ تجربہ کار اور باصلاحیت اساتذۂ کرام کی نگرانی میں طلبہ کی علمی، عملی، اخلاقی اور روحانی تربیت پر خصوصی توجہ دی جاتی ہے تاکہ وہ معاشرے کے لیے مفید اور ذمہ دار افراد بن سکیں۔

اللہ تعالیٰ کے فضل و کرم اور اکابرین کی دعاؤں سے مدرسہ نے مسلسل ترقی کی منازل طے کیں۔ اسی سلسلے کی ایک اہم کڑی کے طور پر 2025ء میں جکور لے آؤٹ، بنگلور میں مدرسہ قصر القرآن کے نام سے مدرسہ کی دوسری شاخ کا قیام عمل میں آیا۔ اس مبارک آغاز کو امیرِ شریعت، ثالثِ فقیہ العلماء حضرت مولانا صغیر احمد صاحب رشادی رحمہ اللہ کی دعاؤں اور سرپرستی کی سعادت حاصل ہوئی، جس کے نتیجے میں دینی تعلیم کا یہ فیض ایک نئے علاقے تک پہنچا۔

الحمد للّٰہ، آج مدرسہ عربیہ ممباع العلوم اور اس کی ذیلی شاخیں قرآن و سنت کی تعلیم، اسلامی تہذیب و اقدار کے فروغ اور ملتِ اسلامیہ کی دینی رہنمائی کے لیے اخلاص کے ساتھ اپنی خدمات انجام دے رہی ہیں۔ ہمارا عزم ہے کہ آنے والی نسلوں تک دینِ اسلام کی صحیح تعلیمات کو بہترین انداز میں پہنچایا جائے اور ایسے افراد تیار کیے جائیں جو علم، عمل اور اخلاق کا روشن نمونہ ہوں۔